ПОЛИТИКА ЗА ЗАШТИТА НА ЛИЧНИ ПОДАТОЦИ (PRIVACY POLICY)
за иницијативата „Diamond Mall – Општествено одговорна иницијатива по повод третиот роденден на Дајмонд мол “
„Diamond Mall: Центар за економско јакнење на жените“

Оваа Политика за заштита на лични податоци објаснува како ние,
Друштво за градежништво, трговија и услуги ЛИМАК ДОО Скопје,
со седиште на ул. „Железничка“ бр. 31, 1000 Скопје, Република Северна Македонија, со матичен број на субјект 6859127 („ние“, „наш“), ги обработуваме личните податоци во контекст на спроведувањето на иницијативата:

„Diamond Mall – Општествено одговорна иницијатива по повод третиот роденден на Дајмонд мол “
„Diamond Mall: Центар за економско јакнење на жените“ (во понатамошниот текст: „Иницијативата“ или „Програмата“).

Оваа Политика се однесува на личните податоци на:

• апликантки за учество во Иницијативата за економско јакнење на жени („Апликантки“), и
• учеснички во Иницијативата кои се избрани да учествуваат во целосната програма и да ги користат придобивките („Учеснички“).

Заедно, Апликантките и Учесничките се означени како „вие“, „ваши“.

Ние ја почитуваме вашата приватност и сме посветени на заштита и фер и транспарентна обработка на вашите лични податоци, во согласност со правилата за заштита на лични податоци, вклучително и Законот за заштита на личните податоци кој е во сила во Република Северна Македонија („ЗЗЛП“ / „LPDP“).

1. Контролор на личните податоци

Ние ги собираме, чуваме и обработуваме вашите лични податоци:

• во контекст на вашата пријава за учество во Иницијативата, и
• доколку бидете избрани – во контекст на вашето учество во Иницијативата (обуки, менторство, користење на „Diamond HUB “,со цел да ги исполниме нашите права и обврски поврзани со спроведувањето на Иницијативата, како и другите цели наведени во точка 3 подолу.

Ние сме контролор на вашите лични податоци во согласност со ЗЗЛП. Без вашите податоци, нема да можеме да ја спроведеме селекцијата, да комуницираме со вас и да ги реализираме активностите на Програмата.

2. Информации кои ги собираме

Ние ги собираме и обработуваме следните категории на лични податоци за вас:

(a) За Апликантки

Во рамки на процесот на пријавување, можеме да ги собираме и обработуваме:

• Идентификациски податоци:

• име и презиме,
• датум на раѓање,
• државјанство.

• Контакт податоци:

• телефонски број,
• е-мејл адреса,
• место/адреса на живеење.

• Податоци за семејна и социо-економска состојба (доколку ги наведете во пријавата):

• брачен статус и статус на самохрано родителство
• број на деца и членови на домаќинството,
• статус на вработеност (ваш и/или на членови на семејството),
• основни податоци за приход/социјален статус (пр. ниски приходи, право на социјална помош).

• Образовни и професионални податоци:

• ниво на формално образование,
• евентуално завршени курсеви/обуки,
• досегашно работно искуство (доколку постои),
• знаења,вештини, и професионалниинтереси.

• Податоци за бизнис идеја или професионална цел (доколку постојат):

• опис на бизнис идеја или иницијатива,
• сектор/индустрија (занаетчиство, услуги, е-комерц, храна, козметика, грижа за деца/стари лица итн.),
• што би нуделе (производ/услуга) и за кого (клиенти/целна група),
• основен буџет (приближна проценка на потребни средства и намена – опрема, алат, материјали, обука итн.).

• Лична приказна и мотивација:

• опис на моменталната животна и семејна ситуација,
• социјални и економски предизвици со кои се соочувате,
• визија и цели за иднината (лични и професионални).

• Други слични податоци, доколку во процесот бидат побарани слични лични податоци и документи за остварување на целите наведени во точка 3 подолу.

(b) За Учеснички

За Учесничките, покрај податоците собрани во пријавата, можеме да обработуваме и:

• Идентификациски и контакт податоци:

• име и презиме,
• адреса на живеење,
• телефонски број,
• е-мејл адреса.

• Податоци за статус во Програмата:

• податоци за присуство на обуки, работилници и сесии (психолошки, правни, менторски),
• модули и активности во кои учествувате,
• податоци за вклученост во менторство и напредок.

• Други слични информации, доколку се побараат за остварување на целите наведени во точка 3 подолу.

3. Цели на обработка и правни основи

(a) За Апликантки

Личните податоци на Апликантките ги обработуваме:

1. Врз основа на согласност

1. Кога ја пополнувате и поднесувате пријавата за учество во Иницијативата, вие давате согласност вашите лични податоци да се обработуваат за целите на:

1. прием, разгледување и оценување на пријавата,
2. спроведување фер и транспарентен процес на селекција,
3. комуникација со вас во врска со резултатите, дополнителни прашања и можности за учество.

2. Правна основа: член 10 став 1 алинеја 1 од ЗЗЛП (обработка врз основа на согласност).
3. Доколку одбиете да дадете согласност, вашите податоци нема да бидат обработувани и нема да можете да учествувате во процесот на селекција.

2. Исполнување на законски обврски

1. Можеме да ги обработуваме податоците и заради исполнување на законски обврски и постапување по барања на надлежни државни органи (надзорни тела, судови, други институции).
2. Правна основа: член 10 став 1 алинеја 3 од ЗЗЛП (исполнување на законска обврска).

(b) За Учеснички

Личните податоци на Учесничките ги обработуваме:

1. За спроведување на Програмата и взаемните обврски

1. За организација и реализација на обуките, психосоцијалната и правната поддршка, менторството, користењето на Diamond HUB, учество на завршни настани и ЕКСПО, како и за комуникација со вас во врска со сите активности.
2. Правна основа: член 10 став 1 алинеја 2 од ЗЗЛП (обработка неопходна за извршување на договорен/договорен-подобен однос – учество во Програмата).
3. Доколку не се согласувате вашите податоци да се обработуваат согласно оваа Политика, нема да биде можно да учествувате во Програмата.

2. Исполнување на законски обврски

1. Особено во случаи кога е потребно да се извршат исплати кон вас и/или известувања кон надлежни институции (на пр. УЈП, други органи), или да се постапи по барања на државни органи.
2. Правна основа: член 10 став 1 алинеја 3 од ЗЗЛП.

3. Заштита на наши легитимни интереси

1. На пример: водење евиденции за квалитет и подобрување на Програмата, заштита на безбедноста во просториите, заштита од злоупотреба, согласност и следење на исполнувањето на правилата за учество, евентуално водење постапки за заштита на наши права.
2. Правна основа: член 10 став 1 алинеја 6 од ЗЗЛП (легитимен интерес).

4. Приматели / категории приматели на вашите лични податоци

(a) За Апликантки

Вашите лични податоци можат да бидат споделени со:

• овластени вработени и соработници на ЛИМАК ДОО и Diamond Mall, кои се директно вклучени во:

• прием, административна обработка и селекција на пријавите;

• партнерски организации кои поддржуваат ранливи групи и помагаат во промоција и упатување на кандидатки.
• надлежни државни органи, доколку тоа е потребно согласно важечки закон.

(b) За Учеснички

Вашите лични податоци можат да бидат споделени со:

• наш персонал и ангажирани лица (консултанти, обучувачи, ментори, психолози, правни советници) кои директно учествуваат во спроведување на активностите на Програмата;
• партнерски организации и компании вклучени во реализацијата на Програмата (на пр. Brainster, Thrivity, Esnaf, стручни менторки и говорнички), но само во обемот неопходен за планирање, спроведување и следење на обуките и менторството;
• трети лица-добавувачи на услуги (на пр. правни советници, сметководители, ИКТ/хостинг провајдери), кога тоа е неопходно за функционирање на Програмата и кога се обезбедени соодветни мерки за заштита на личните податоци;
• надлежни државни органи, кога такво споделување е предвидено или задолжително согласно закон.

5. Пренос на податоците во други држави

Во рамки на оваа Иницијатива, не вршиме пренос на вашите лични податоци надвор од територијата на Република Северна Македонија, освен доколку тоа не стане неопходно и не се спроведе во согласност со ЗЗЛП (со соодветни правни основи и заштитни мерки).

6. Рок на чување

(a) За Апликантки

• Вашите податоци ќе се чуваат за целиот период на спроведување на процесот на селекција.
• Доколку апликацијата не биде успешна, ќе бидете известени за тоа и вашите податоци ќе ги чуваме уште еден (1) месец од денот на известувањето, по што ќе бидат избришани или анонимизирани.
• Можно е, во одредени ситуации, да продолжиме да обработуваме одредени податоци и по повлекувањето на согласноста, доколку:

• сме законски обврзани да ги задржиме, или
• имаме оправдан легитимен интерес (пр. заштита на правни интереси).

• Доколку апликацијата е успешна, вашите лични податоци ќе преминат во категоријата на податоци за Учеснички.

(b) За Учеснички

• Вашите податоци ќе се чуваат за целиот период на вашето учество во Програмата.
• По завршување на Програмата, податоците ќе ги чуваме уште до 5 години, заради:

• законски обврски (евиденции, извештаи),
• евентуални постапки за заштита на права и правни интереси,
• статистичка и аналитичка обработка (по можност во анонимизиран/агрегиран облик).

• Можно е и по истекот на овој рок, во исклучителни случаи, да продолжиме со обработка на дел од податоците, доколку така налага закон или е неопходно за заштита на наши легитимни правни интереси (на пр. во судска или управна постапка).

7. Ваши права

Во врска со собирањето, обработката и чувањето на вашите лични податоци, имате право да побарате од нас:

• приступ до вашите лични податоци;
• исправка на неточни или нецелосни лични податоци;
• бришење на личните податоци („право на заборав“), под условите утврдени во ЗЗЛП;
• ограничување на обработката во одредени случаи;
• право на приговор на обработката, особено кога се заснова на легитимен интерес;
• остварување на правото на преносливост на податоците (да ги добиете вашите податоци во структуриран, вообичаен и машински читлив формат или да се пренесат до друг контролор);
• право да не бидете предмет на одлука заснована исклучиво на автоматизирана обработка, вклучително и профилирање, доколку таква се врши, под условите пропишани со ЗЗЛП.

Исто така, имате право да поднесете барање или претставка во врска со вашите права за заштита на личните податоци до:

Агенција за заштита на личните податоци на Република Северна Македонија
Веб-страница: https://www.dzlp.mk

Повлекување на согласност (за Апликантки)

Апликантките имаат право во секое време да ја повлечат својата согласност за обработка на личните податоци која се темели на таа согласност.

Повлекувањето на согласноста значи дека ќе престанеме да ги обработуваме личните податоци за целите за кои била дадена согласноста. Повлекувањето нема негативни последици, освен тоа што нема да можеме да ја продолжиме обработката за потребите на селекција и евентуално учество во Иницијативата.

Можно е, и по повлекувањето на согласноста, во одредени ситуации да продолжиме со обработка на дел од податоците, доколку тоа е:

• неопходно за заштита на наши легитимни правни интереси и права, или
• задолжително според закон.

8. Контакт податоци

Доколку имате било какви прашања, забелешки или други барања поврзани со приватноста на вашите лични податоци, или доколку сакате да ги остварите вашите права како што се објаснети во оваа Политика, можете да не контактирате на:

Е-пошта:
infodiamondmall@limakskopje.com

Или преку контакт податоците објавени на официјалната веб-страница и социјалните мрежи на Diamond Mall.

Со поднесување на пријава и/или со учество во Иницијативата, потврдувате дека сте запознаени со содржината на оваа Политика за заштита на личните податоци, ја разбирате и се согласувате со начинот на обработка на вашите лични податоци како што е опишано погоре.